Allama Iqbal Poetry | Best Poetry

 

    ستاروں سے آگے جہاں اور بھی ہیں

ستاروں سے آگے جہاں اور بھی ہیں
(علامہ اقبال)

ستاروں سے آگے جہاں اور بھی ہیں
ابھی عشق کے امتحان اور بھی ہیں

تہی زندگی سے نہیں یہ فضائیں
یہاں سینکڑوں کارواں اور بھی ہیں

قناعت نہ کر عالم رنگ و بو پر
چمن اور بھی، آشیاں اور بھی ہیں

اگر کھو گیا اک نشیمن تو کیا غم
مقامات آہ و فغاں اور بھی ہیں

تو شاہیں ہے، پرواز ہے کام تیرا
ترے سامنے آسماں اور بھی ہیں

اسی روز و شب میں الجھ کر نہ رہ جا
کہ تیرے زمان و مکاں اور بھی ہیں

گئے دن کہ تنہا تھا میں انجمن میں
یہاں اب مرے رازداں اور بھی ہیں

                                                                 ستاروں سے آگے جہاں اور بھی ہیں
                                                                  ابھی عشق کے امتحاں اور بھی ہیں

                                                                        تہی زندگی سے نہیں یہ فضائیں
                                                                   یہاں سیکڑوں کارواں اور بھی ہیں

                                                                       قناعت نہ کر عالم رنگ و بو پر
                                                                     چمن اور بھی آشیاں اور بھی ہیں

                                                                      اگر کھو گیا اک نشیمن تو کیا غم
                                                                         مقامات آہ و فغاں اور بھی ہیں

                                                                       تو شاہیں ہے پرواز ہے کام تیرا
                                                                      ترے سامنے آسماں اور بھی ہیں

                                                              اسی روز و شب میں الجھ کر نہ رہ جا
                                                                کہ تیرے زمان و مکاں اور بھی ہیں

                                                                    گئے دن کہ تنہا تھا میں انجمن میں
                                                                   یہاں اب مرے رازداں اور بھی ہیں

ایک نوجوان کے نام

ایک نوجوان کے نام

(علامہ اقبال)

ترے صوفے ہیں افغانی، ترے قالین ہیں ایرانی
لہو مجھ کو رلاتی ہے جوانوں کی تن آسانی

امارت کیا، شکوہ خسروی بھی ہو تو کیا حاصل
نہ زور حیدری تجھ میں، نہ استغنائے سلمانی

نہ ڈھونڈ اس چیز کو تہذیب حاضر کی تجلی میں
کہ پایا میں نے استغنا میں معراج مسلمانی

عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں

نہ ہو نومید، نومیدی زوال علم و عرفاں ہے
امید مرد مومن ہے خدا کے راز دانوں میں

نہیں تیرا نشیمن قصر سلطانی کے گنبد پر
تو شاہیں ہے، بسیرا کر پہاڑوں کی چٹانوں میں

                                                   ترے صوفے ہیں افرنگی ترے قالیں ہیں ایرانی
                                                       لہو مجھ کو رلاتی ہے جوانوں کی تن آسانی

                                                    امارت کیا شکوہ خسروی بھی ہو تو کیا حاصل
                                                       نہ زور حیدری تجھ میں نہ استغنائے سلمانی

                                                 نہ ڈھونڈ اس چیز کو تہذیب حاضر کی تجلی میں
                                                          کہ پایا میں نے استغنا میں معراج مسلمانی

                                                       عقابی روح جب بیدار ہوتی ہے جوانوں میں
                                                         نظر آتی ہے ان کو اپنی منزل آسمانوں میں

                                                         نہ ہو نومید نومیدی زوال علم و عرفاں ہے
                                                         امید مرد مومن ہے خدا کے راز دانوں میں

                                                          نہیں تیرا نشیمن قصر سلطانی کے گنبد پر
                                                    تو شاہیں ہے بسیرا کر پہاڑوں کی چٹانوں میں